艺人锺嘉欣最近经常拍片更新个人网上频道,昨日佢邀请一名粉丝Queenie一齐聚餐,嘉欣称对方系逾10年超级忠粉,专一程度劲过男朋友。佢续指对方以前经常到各大颁奖礼现场守候,为佢打气:“每一年你哋(粉丝)都希望我攞到奖,但最尾好多时候我都冇攞过奖,但一出嚟见你哋举晒牌,又自制个奖状畀我。”当佢得知对方曾为佢通宵排队,只为搭第一班车到场霸头位举牌时,大感震惊又感动。
讲到最难忘回忆时,嘉欣指2013年举办第一个演唱会系为回馈歌迷,回想过去努力打拼嘅点滴,期间忍唔住几度感触落泪,佢表示:“因为做咗娱乐圈咁耐,真系唔容易,好多时候自己一个人喺香港,冇家庭、冇亲戚喺度,所以有粉丝支持系好开心.....以前见你哋咁细个,依家变到咁大个,我又结完婚,仲生埋仔,我走咗咁耐,已经5年冇返嚟,点知你哋仲喺度,照计跟咗第2个,或者大个已经有自己生活。”​
|