前港姐冯盈盈入行5年,突然社交网宣布“完约”、“离巢”、“回复自由身”,搞到网民纷纷以为佢离开无綫!原来佢讲紧嘅系所住单位完约,仲话特意拍片以作纪念,乘机叫大家订阅佢嘅频道。自从与医生旧爱锺文浩(Martin)分手后,佢独自搬到南昌站上盖物业一个单位居住,片中佢话第1次自己处理退租、搬屋兼执屋,向来系公主嘅佢,今次可谓个大考验!
片中佢分享家中嘅酒杯收藏,拥有10几只香槟杯兼红酒杯,相当专业。除咗酒杯,佢话坐紧嘅呢张梳化系最有价值,由何文田旧居搬过嚟,依然唔舍得换,有眼利网友认得出呢张系昔日爱巢嘅梳化,佢话继续会带到去新屋,网民大赞佢既悭家又念旧,系好难得嘅“港姐女神”!
|