女神张曦雯与男友Mark因打机而挞着,由朋友发展成情侣,感情稳定。外表洋化的她不爱浪漫激情,不需男友送赠鲜花,情愿细水长流,对男友更实行“放养”不管束政策:“佢好值得我信任!” 罢做管家婆:辛苦自己! 出名爱打机的“电竞女神”张曦雯(Kelly)与外籍男友Mark拍拖2年多,双方由朋友介绍认识,情缘由打机开始:“未识之前已经锺意打机,认识后发现原来大家锺意玩同一只Game,有一齐玩,都系锺意玩射枪、打丧尸呢类游戏。不过,我由Day one开始已经打得叻过佢!”她自言打机时相当豪迈,间中亦会失言:“会笑佢渣同埋奚落佢,有时讲得过分咗会讲番对唔住,不过佢唔会嬲嘅,哈哈!”
Kelly与男友已发展至同居关系,但不心急谈婚论嫁:“我唔系浪漫嘅女仔,平时唔会要求佢送花,或者幻想将来有点样嘅婚礼,男友亦冇呢方面压力。大家为事业拼搏紧,未Ready去下个阶段。”她笑言不介意公开名花有主及男友身份,全因对方在她心目中有分量,平日相处融洽,亦不会加以管束,采取“放养”政策:“佢系个好人、好男仔,我哋好少闹交,就算有少少不满都只会平心静气讲,系一段舒服、开心、稳定嘅关系。佢好迁就我,我亦唔会管佢,无谓辛苦自己,佢又唔舒服。当然佢好值得我信任,呢个年纪,稳稳定定已经好开心。”她又甜丝丝爆男友的窝心举动,指他即使打机,亦会校闹钟睇剧捧场:“佢好支持我,一个鬼佬睇TVB,其实几搞笑!” ​ 戴假发上庭:解锁成就 感情稳定与Kelly的事业发展相得益彰,早前到美国进修后,拍摄《木棘证人》与《踩过界II》获赞演技有进步,她说:“《踩II》系拍剧以嚟最难,首先第一套已经好成功,而自己系新演员,角色好复杂又要有女强人一面,要好胜、温柔、吸引人,角色好多层面,挑战好大!” 饰演律师的她戴假发上法庭,直言分外有满足感:“由细到大睇TVB好多律师戏,觉得喺庭上戴住个假发好有型。初时有啲担心,因为法庭戏连续拍咗21日,对白好多,压力好大。唔系记性问题,自己短暂记忆冇问题,而系演员唔止讲对白,最紧要系情感,所以今次做到,好似解锁成就咁!”
|