艺人张秀文近期频频主持综艺节目,日前出席公开活动时,透露早前与多位堪舆学家做节目,期间也有八卦询问事业及感情运,自爆打从完成无綫剧集《欺诈剧团》后,暂未有开新剧的通知,认为事业岌岌可危,幸与Bob合作的综艺节目将开拍第二辑,总算Keep住有工开。 长江后浪推前浪 面对现时新人辈出,她也认为长江后浪推前浪: “之前同冯盈盈主持节目,佢又后生又靓女,真系好有压力。(‘事业’再强啲?)呢啲大家都知,哈哈!所以若隐若现会好啲,等大家挂住吓,我明明好有事业心嘛!希望嚟紧真系多啲机会,其实我锺意拍短剧,呢个新模式都OK。”对于现时主打做综艺节目,她不讳言多得Bob关照,更指对方非常旺她,问到是否想组“情侣档”?她说:“我哋都有讲笑话公司想打造我同佢成为TVB最强CP,系最有CP值嘅组合。”
唔想嘥时间 至于感情运方面?张秀文说:“入行后24小时都系谂工作,冇专登识男仔,好宅。(叫媒人Bob帮手啦!)陈定帮师傅话我性格孤僻,呢个年纪特别好强,唔特别锺意见人,反而细个锺意同成班朋友玩,依家超过4、5个人已经唔想出去,觉得唔系好熟,又倾唔到偈,惟有靠Bob拉我出去。(佢好多人争!)系啦!明明我旧年已经排队,但好多人打尖。(搵Bob嫂帮手?)如果遇到啱会问佢夹唔夹,自己成33 岁,都唔好浪费时间,遇到啱会畀好多心机入去。” 对于之前常以性感打扮示人,大晒34D丰满上围,她说:“想收一收,畀其他人展现佢哋优点,我展现够,想大家注意我内涵多啲,本身唔拜金同豪放,但外间误会我,有唔好印象,所以嚟紧想改为成熟啲,宁愿人哋挂住(性感),好过睇到厌啦!” ​
|