|
艺人黄翠如虽然被公认为厨艺麻麻,不过艺术天分相当唔错,自言冇特别去上堂进修嘅佢,闲时好锺意画画,曾自爆最爱通宵画画,贪冇人骚扰。近日重拾画笔嘅佢,不时喺社交网上载画作,见佢最新作品系以紫色为主嘅星球,虽然构图简单,但相当有层次,望落去令有人舒服感觉,令唔少网友大赞好有才华!另外,又见佢画过小屋同埋气球,画功真系唔错,真系话冇学过都冇人信!近日佢仲踩过界,玩陶瓷整杯整碟,玩几次已经有板有眼,真系睇嚟可以向艺术方面发展!虽然黄翠如多才多艺,但好姊妹连诗雅竟然提出,叫佢考虑吓拎番个镬铲研究,不过即令唐诗咏大叫唔好:“唔好呀,带佢出去食啦!”似乎大家都放弃佢呢方面嘅才能!​
|
|