吴孟达临终一刻瞪大双眼 田启文遗憾未能早探望

etin

为纪念艺人吴孟达离世，无綫播出特备节目怀缅，和他相识多年的好友如田启文、林子聪、邓英敏、戴志伟、关礼杰及王晶等做嘉宾。田启文遗憾之前吴孟达在医院仍清醒时未有探望对方，到见面时对方已没有反应，一直紧闭双眼未有反应，直到临走一刻突然瞪大双眼，似是想给众人反应，跟着便离开了。

讲到吴孟达的身后事，他表示其家人比较伤心，先让他们好好休息：“佢哋首先要搞咗死亡证先，好多人都话帮手搞，我叫佢哋畀少少时间我消化同佢家人商量先，因为要考虑场地同安全，而且只办一次，加上佢又有咁多海外朋友同粉丝。其实佢家人本来唔想搞追思会，我话我哋个行业一定要搞，后来征得佢家人同意，交畀我负责搞。”问到吴妈妈的情况，他透露吴妈妈已90多岁高龄，直至昨日才得知吴孟达的情况：“佢嚟到之后好伤心，所以好早送咗佢离开，唔想再刺激到佢，希望唔好有咁多负面报道，尤其系假新闻。”他表示吴孟达于2014年大病后已立好遗嘱，并澄清对方没有经济问题：“话佢有1千万遗产当然系假，但我唔会讲有几多，仔女亦冇为遗产而去搞乜。”

至于林子聪透露未能见到吴孟达最后一面，他今次匆匆回港，下周就要到内地工作，可能未必出席到对方的追思会。

曾因欠债寻死　吴孟达顿悟重新做人

曾志伟在台上分享吴孟达的新故事：“佢年轻时生活放任，又饮酒又赌钱，欠落一身债，周围问人借钱，啲人都唔敢叫佢开工，但有个朋友仲不停帮佢，后来连呢个朋友都唔帮，佢觉得冇希望人生去到尽头，于是喺城门水塘一脚踩入去，佢望住个天话想下世重新做人、做个好演员，但又谂到下世未必做人，依家仲系人，不如依家重新做人，后来返屋企瞓咗一日一夜，佢返到无綫同编剧监制讲，你会见到不一样嘅吴孟达，从此佢唔带剧本入厂，因为已经记熟晒对白，仲记埋对方对白。佢由一个系人见到都惊，到变成都大家敬佩嘅演员。佢为人同演技真系令大家佩服。”说时他不禁哽咽。

吴丽珠庆幸有吴孟达做师兄

有份出席的艺人吴丽珠是吴孟达在训练班的师妹，两人在《欢乐今宵》时开始合作，她表示：“最深刻系佢经常喺木人巷同夏雨，谭炳文、余子明猜枚，佢教我猜枚，佢话猜枚唔可以咁斯文，要有气势，我好佩服佢，猜枚还猜枚，但入厂唔会甩辘。之前啲人话会虾新人，但我好好彩，冇畀人虾，佢仲教我好多嘢，佢会主动同我对剧本。”

杜德伟透露2004年跟吴孟达在内地合作电影，他笑言当时觉得能跟对方合作好威水，问到难忘事，他说：“我记得有日佢问我，你有冇带三级片嚟，佢话要建立好关系，就系两个麻甩佬一齐睇三级片，我随口答佢有，佢话咁一阵入你房睇，后来佢入我房，佢送咗本书《角色的诞生》畀我，佢话合作关系近嘅演员都会送呢本书畀对方。佢话自己早期就好霸气，喺片场杀到其他人一颈血，睇完本书谂咗好耐，觉得应该系做王者而唔系霸者，霸者以力服人，王者以德服人。”另外，他指吴孟达很欣赏其母亲，有次得知杜妈妈来探班，特意一齐食饭：“佢仲向妈咪唱咗首《给我一个吻》凼得妈咪好开心。”

王晶大赞：最好的下把位演员

至于导演王晶称跟吴孟达早在《欢乐今宵》时合作，90年代又合作过十多部电影，他形容对方：“好友善又任性。”大赞他是最好的下把位演员：“任何演员遇着佢，角色都会加分，佢系100%下把位演员托到你最好睇，但自己又好睇。”苑琼丹称吴孟达面对导演不合理要求也不会动气，会尊重对方意见，又会用嬉笑怒骂态度化解。

罗冠感恩还困难时吴孟达出手相助

罗冠兰跟吴孟达是同期艺员训练班毕业，当时对他最深刻是有次在圣诞派对上对方为她解困：“我唔小心将碟鸡翼沙律倒落个身，搞到件衫污糟晒，佢好有风度递上一条乾净嘅手巾畀我抹，觉得佢好友善，佢仲将条污糟咗嘅手巾放返入裤袋，令我好感动。”两人后来一直没有联络，直至十多年前合作一部电影饰演夫妻，在倾谈的过程中，让罗冠兰感到对方很诚恳：“大家会讨论演戏嘅理念，而佢嘅阅历变成佢嘅修为，畀人一种好祥和嘅气场，同佢相处好舒服。”对于他突然离世，她自言感到愕然，亦有点依依不舍。

关礼杰初演喊戏靠吴孟达点醒

关礼杰称两人第一部合作的剧集是《新扎师兄》，对方饰演教官：“喺真实同娱乐圈入面，都系佢睇住我哋成长。佢演绎嘅教官角色，后来好多人都跟佢呢个风格。（你当年惊唔惊佢？）唔惊，佢好讲得笑，我哋又好百厌，佢会闹我哋又会教我哋。佢喺交流戏方面好严肃，令大家好易入戏，喺佢身上学到好多嘢。（边一幕最难忘？）有一场讲我离开学堂，我畀佢感动到学识流眼泪，系我第一次喺萤光幕前流泪，觉得自己演技升华咗。”他视对方为大师兄，两人其后在内地电影上亦有合作过，他赞扬对方令整个剧组很团结：“大家相处好融洽，佢为人又豁达，例如天气降温，佢会畀钱买羽绒畀啲工作人员，大家同佢合作完都话佢好好，口碑好好。”他指虽然近两年未有联络，但也有在活动中遇到，坦言对其离世感到突然：“我知道佢入医院，喺演员群组入面都有话佢情况唔系咁好。但冇办法，人生冇得选择，希望佢主怀安息。”

kopko

惋惜一路走好