被贴街招追数后失联 张致恒疑搬新居愈住愈豪

etin

张致恒（Steven）居住于元朗的村屋外日前被贴街招追数，信箱也塞满追数的纸张、信件，更指Steven疑“着草”，上个月已经搬走，并被发现Cut电话，依家仍然同外界失联。不过有消息指，佢已从元朗村屋秘密搬到石岗居住，租住新型村屋地下一层，新居更有个数百呎大花园，租金要万多元，以“两按一上”再加搬屋及家俬杂费，估计需要花10万蚊。

有人指曾目睹Steven同太太及2个囝囝到市中心湿平，搭的士出入，一家4口先后到玩具店、宠物店、水族店购物，消费力未见减弱，喺元朗买足2个钟再上的士走人。

而Steven太太雯雯就于社交网诉苦：“唔再生存，系咪先可以畀我哋平静过？”

早前被𡃁模冯镓潆（Naomi） 大爆“借钱唔还”嘅佢，其老友张彦博、林盛斌等都承认有借钱畀佢，当时Steven指自己失业先会无力还钱，向债主公开道歉外，又承诺有拖无欠。而林盛斌得知Steven搬靓屋时，就表示唔会再追佢还钱，相信对方有能力嘅时候会努力偿还债务。​