继胡定欣之后！陈山聪仔仔睥实胡诺言

etin

艺人陈山聪嘅7个多月大囝囝陈霆轩（Jaco），近日成为最强小鲜肉被好多人争住集邮，连视后佘诗曼趁元宵佳节都要嚟探Jaco，Jaco一见到阿佘​即展露笑容，令陈山聪忍唔住笑称：“我已经睇到佢将来想拣咩女朋友”。Jaco经常笑面迎人，大个一定系开心果，不过凡事都有例外，继被胡定欣抱住时嘴扁扁，陈山聪带囝囝到访胡诺言（胡仔）屋企，当Jaco被胡仔抱住时竟睥实对方，面露不悦。Jaco似乎对姓胡嘅人与别不同，胡定欣睇到张相即笑指︰“我个心舒服晒﹗”而陈山聪亦道出重点︰“再一次证明我大佬对姓胡嘅有一定嘅独特感情。”