使乜靠App！陈奕迅揈头扭颈似足玩特效

etin

​近日社交网好流行玩“蚂蚁呀嘿”特效短片，简单将自己个样配以歌曲《Dragostea Din Tei》，特效就会将自己个样变成唱歌加埋跳舞，真系好似平时拍片跳舞咁郁法一样，非常搞笑！圈中唔少艺人好似袁咏仪同埋锺欣潼等都有份玩，见到大家个样变到面容扭曲，真系似足拍片咁款，几可乱真！不过要数，最识玩、玩得最靓嘅一定系歌手陈奕迅！平时谂头多多嘅佢，趁住元宵佳节喺社交网上载整汤圆食嘅片，突然之间唱出“蚂蚁呀嘿”歌词，仲唔使靠特效，真人发声，系咁揈头扭颈唱歌，获唔少网友大赞“条颈好灵活”、“有够可爱的”等，为元宵佳节送上一点温暖！