艺人萧正楠(Edwin)在将军澳电视城为myTV SUPER煮食节目《Testing Menu》举行记者会。节目中Edwin跟10位星级厨师下厨炮制美食,问到煮餸时可有虾碌情况?他说:“好少,因为唔系乱嚟,啲厨师好严谨,要跟足佢哋嘅步骤,今次学咗好多,悭咗唔少学费,畀钱都学唔到,(有冇谂过进修厨艺?)如果节目有机会开续集,就可以继续跟米芝莲厨师学嘢。(有冇煮畀翠如食?)都有嘅,佢呢排升级咗叫‘厨如’煎糕好好食。(喺节目学定煲猪脚姜准备生B?)咁啱啫。我哋生BB睇缘分、好随意。”
疫情下节目早前拍摄时因其中一位厨师被列为紧密接触者,令Edwin也要到隔离营,他说:“个厨师都冇事,过咗去都唔想再提。不过,去过隔离营食过啲嘢之后都有啲谂法,如果同啲厨师咁啱喺里面,可以煮啲米芝莲餐畀大家试吓!”​
|