女人30有压力！蔡思贝钦点胡鸿钧一齐拍剧

etin

视后蔡思贝为缤FUN Live担任嘉宾，与主播俞咏文分享心事。她透露现在是自我增值期，4月会接拍古装喜剧。讲到她之前被网友攻击，问到现时可还会睇留言？她坦言：“点都会睇，私讯都会睇，好多有心粉丝提点我，我唔会为难接受嘅comment而唔睇，自己过滤就算，唔好咁上心。（睇化？）人生唔会睇化，但依家程度好好多，识得过滤，自己调节心情。”

期间绯闻男友胡鸿钧（Hubert）、拍档张振朗突入缤FUN Live，两人的互动亦十分搞笑！问到可会与Hubert合唱？她笑言：“我相信佢会抗拒，佢系情歌小王子，唱live畀人赞，我同佢唱会影衰佢，但我相信缘分，如果剧一齐拍，同佢做拍档，可以一齐主题曲、片尾曲或插曲。”问到如果世上只得Hubert及振朗2个男人，会拣谁陪自己？她即要饮水定惊，想了很久后，她攞爸爸做挡箭牌，扯开话题谓：“同振朗做拍档好多部，未同胡鸿钧拍剧拍档，试吓都可以，想试同唔同拍档合作！”

讲到她入行7年绯闻多多，外表Cool爆的她坦言自己性格两极：“我有时好似开笼雀，但有时又会唔出声，入咗自己世界，我好极端，好少中庸，我嘅朋友都知，我当然有tune，依家做嘢知道唔可以只喺自己世界，要中庸啲。”

说到电影，思贝跟张家辉拍过电影《陀地驱魔人》，她以“发梦”来形容这次经历：“当年家辉哥赏识我，我好似发紧梦咁，仲想发多一次，嗰阵年资真系好浅，睇番自己好冇经验，人哋叫我就做，冇乜自己睇法，依家想喺角色发展上加多啲自己嘅嘢。（有冇畀家辉闹过？）冇喎！定系我唔记得咗？我系一个善忘嘅人，我系锺意畀人折磨嘅演员，好希望呢啲事情发生，我好锺意畀人折磨。”

刚刚踏入3字头，思贝坦言有29+1的压力：“原来自己经历30岁时，哗！原来我都唔后生，我唔系最细嗰班，有压力嘅！我同自己讲，你冇时间去浪费，男性愈老愈有，你睇三哥（苗侨伟）！但女性老咗就少一啲本钱。”