英皇歌手许靖韵(Angela)为全新广东EP开Live Show,她表示:“钢琴好代表我,因为大家认识我可能都系因为‘小背心’自弹自唱,喺其他节目见到我好多时都系自弹自唱,所以钢琴对于我嚟讲真系一个好重要嘅‘close friend’。”至于专辑名称,她则谓简而精:“希望大家好容易就明白我想表达嘅意思,就系我会一路向前行,亦都希望大家继续陪住我一齐成长。”
Angela直言:“有时遇到一首好嘅歌,其实真系缘分,同埋一个好嘅timing,咁我喺好嘅timing遇到好嘅男人遇到好嘅歌,佢就系林奕匡(Phil)。”Phil上台后大爆她趣事:“佢问我可以畀歌佢?但之前同佢唔系好熟,突然间佢问我,仲要系好急促,嗰排我做紧新碟,真心我系唔记得咗呢件事,有一日我跑步跑咗两分钟就收到佢message,‘我依家入去开会啦,但系你未交歌畀我啊。’咦!系喎,我心谂跑咗两分钟咋喎,谂谂吓都系工作紧要,跟住返屋企攞demo,其实我有歌喺度,但系我未upload畀条link佢,佢开完会后就话:‘拣到呀拣到呀!’我都真系好开心。”​
|