食店恢复晚市 庄思明杨明盆菜慰劳员工

etin

艺人庄思明与杨明（阿杨）经营的炖汤店生意下滑，但获一班员工无限量支持，故趁新岁兼恢复晚市堂食，身为老板的二人特设宴慰劳下属。盆菜“物轻情义重”，最紧要是公司上下感受到浓烈的人情味，牛年上下一心继续打拼。

思明及阿杨年前开始以情侣档齐闯饮食业，但先后经历社运及疫情，生意难免受到影响，犹幸旗下一班员工相当落力尽责，甘愿与老板于逆境中互相扶持。趁着晚市相隔两个多月再次恢复堂食，开工前思明与阿杨以盆菜与员工“开年”，疫情中“碰龙虾”取代碰杯，大家开怀饱吃一顿。谈到“复业”，思明坦言﹕“好开心，相信呢样嘢好多人期待咗好耐，太长时间冇得出街食饭嘞。我哋会清洁好门市、确保消毒工作，同埋员工会做足检测，希望复市后生意有好转啦。”

回顾鼠年生意经营，阿杨坦言﹕“好彩我哋有储落营运资金，原本系要用嚟再开分店扩充嘅，但依家就要放慢啲脚步，再一步步嚟啰。疫情中维持到咁嘅生意额，真系都算托赖嘞。”作为老板的他深明员工的付出，感恩遇上一班“有心人”，思明接口道﹕“有时有project，佢哋仲紧张过我哋，不眠不休想做好啲，要我哋赶佢哋走先走。”

谈到早前向员工发放的年终酬金，思明及阿杨异口同声表示：“生意唔好，所以唔算好多（花红），但我喺度承诺，只要挨过逆境，生意好番啲，佢哋（员工）想要乜都得﹗好彩每次有project，好似做盆菜同推出年榚等，每次完咗我哋就会派分红畀大家。”至于牛年展望，二人显得很是感触，最希望疫情快快消失，阿杨坦言﹕“每个人都‘牛精虎猛’，相信无论喺经济或人与人之间嘅感情上，都要有健康社会先至能够经营得到，希望牛年真系重新出发。”​