|
艺人杨秀惠近年转型从商,虽然嫁富贵老公叶世扬,但未有做少奶奶,更一手一脚创立跨国美容王国,分店喺香港、澳门及新加坡等,每年营业额过千万元。贵为老板嘅佢,趁住农历新年悉心打扮返公司派利是慰劳员工,虽然只系出一出街,但行头十足,超过成十万蚊港币!出入都有司机接送嘅佢,舒舒服服就返到公司,手执价值超过6万嘅手袋仔做利是袋,装满利是派畀员工,再加上手戴超过3万蚊嘅钻石手链,完全凸显出贵气老板嘅一面!咁都未够,呢排经常喺家居晒新年布置嘅佢,见到佢屋企用上云石铺墙,一睇就知价值不菲,再加上之前佢请好朋友蔡思贝作客,张枱大到可以放得落9个餸,仲要空间感十足,客厅要有番咁上下大先做到!​
|
|