女明星平时行出嚟明艳照人,佗BB都佗得特别过人,个肚仲好似“鬼影变幻球”咁,时大时细,真系得天独厚!个肚变大又得,变细又得,其实一切都系靠穿搭技巧! 圈中呢3位准妈妈喺网上经常分享穿搭之道,暗藏孕肚,令到大家唔觉佢哋似有咗!先讲已经有晒经验嘅岑丽香,暂时都仲系面尖尖同手脚纤瘦,但佢用层次感突出番身体嘅线条,虽然望落有少少肚凸凸,但完全零孕味! 而两位模特儿出身嘅准妈妈余香凝同汤怡则同样以松身裙亮相,余香凝多数选择拣下身有Ruffles嘅飘逸短裙转移视线,而汤怡虽然都系以松身裙示人,不过都多拣有腰间点缀嘅中长裙,令整体带出立体感,个肚先唔觉眼!​
|