艺人马国明、黎诺懿及胡鸿钧为无綫收费台节目《师父有请》任嘉宾,主持麦玲玲指马国明一向异性缘强,绝对是值得嫁完再嫁的男人,不过马国明却说:“我唔觉,我同胡鸿钧想法差不多,大家夹自然会少啲拗撬,咁样已经好。我感情事唔会影响工作,曾经试过有啲性格唔啱就会闹交,冇话边个唔啱,过去咗就冇问题。” 胡鸿钧被追问感情事 玲玲批马国明大机会先有后婚,他则认为机会微:“应该唔会中咗先结婚,希望系结咗婚先有BB,咁我每一次拍拖都系向结婚方向谂,因为我好现实嘅人,唔结婚的话,拍拖系好浪费时间。”而胡鸿钧被追问有没有拍拖即表现尴尬:“真系唔知今日讲呢啲,我以为讲事业,不过我唔系好相信旺唔旺夫,好多嘢都应该互相磨合,最紧要系同对方性格夹。”
同太太一见锺情 诺懿就透露与太太是一见锺情,更是饮醉酒情况下:“太太系周美欣介绍,约咗1年几都冇机会,有次我哋饮醉,太太嚟接美欣,我见到佢觉得好靓。(你饮醉喎!)醒咗之后有少少后悔,有问佢拎电话,不过佢起初见我饮到咁冇乜感觉,但因为我太有才华,渗晒出嚟,所以一齐咗。(有个富裕老婆有压力?)我识太太时已经冇乜理屋企生意,佢交畀哥哥理,只系做副线生意,好少参与屋企业务。”
|