牛年唔封胸！乐宜承诺继续性感：粉丝唔锺意文青

etin

拥有34C Big爆上围、社交网拥有超过40万粉丝嘅“宅男女神”乐宜，趁住牛年到来，大解放骚出事业线，为牛年升温！与眼镜店太子爷黄俊辉爱得甜蜜嘅佢，预告牛年唔会封胸，继续发放福利照，满足粉丝需要，更自爆大部分性感照由男友操刀，佢话：“今年冇咩公开活动，少咗同粉丝接触，等佢哋唔好忘记我，所以影多啲性感相照顾佢哋。曾经试过唔同造型，想文青啲，但粉丝唔锺意。（男友介意？）佢要睇吓咩相，有啲系佢影嘅话，佢就唔介意。（佢帮你影性感相？）系呀，佢依家学影相，帮我影得靓啲，其实最重要系佢想自己操刀，唔想我畀人睇蚀，我同佢都拍咗两年拖，佢都好了解我，知道我好锺意影性感相。”而讲到过年习俗，佢话每年必定会买定红色内衣过新年，希望可以旺事业及财运：“每年会添红色新内衣旺一旺。（着住赌钱？）我又唔识赌钱喎，但我点都会着住。”

过往农历新年，乐宜必定出国打碟搵银，但今年因疫情关系，会留港同家人度过，佢话：“今年都会留多啲喺屋企，同屋企人一齐过，因为今年都会少去拜年。（有咩习俗？）年初一会同屋企人喺屋企食斋，初二拜年，往年新年多数出埠做骚，但今年飞唔到，应该留港。”虽然收入大减，但过去一年佢自我增值，学习紫微斗数，望挑战麦玲玲：“今年疫情影响，大家都好似多啲睇命理方面嘅嘢，所以都想睇吓自己来年会点。（批自己点？）睇到呢几年运程都几好，我可以加多啲人工，算到可以加3倍人工嘅。（有冇帮朋友批过？）都系练习当中，现阶段都系同屋企人睇吓先，睇吓有咩要注意。睇到佢哋之前发生过啲咩事，佢哋都觉得OK。（挑战麦玲玲？）都好呀，都系新嘅发展！”​