李彩华Ready再爱 罗子溢冧掂No.1美女搵番初恋

etin

艺人罗子溢与李彩华（Rain）在新剧《家族荣耀》饰演一对，不乏浪漫场口，寄望成为观众受落的“萤幕CP”。谈到首次合作，子溢透露献出“第1次”﹕“我要对住Rain唱佢嘅歌，紧张到爆！（锺意唱歌？）我宁愿拍喊戏，或者爱情动作片啰！（试过对住太太杨茜尧唱？）我唔会对住佢唱，收钱㗎！”

​

寄望桃花运爆发

回复单身不久的Rain，直言已调校好心态，准备再堕爱河。全程四万咁口的她，不否认有追求者，但情人节冇着落，子溢即自告奋勇说：“我有介绍喎！啱晒你条件添！”Rain即笑说：“真嘅话，包封媒人利是畀你。”新一年她寄望桃花运爆发，但不想再婚：“起码呢刻系咁谂。（有另一半）有时都几烦，好似我上一段咁。（前夫）就极唔想我拍亲热戏。（再拍拖会公开？）我真系冇乜所谓，只系担心如果分手，又要喺社交网或者对媒体交代啫！”

小别两个月成陌路

至于子溢跟爱女“小珍珠”小别两个月，他苦笑说：“都预咗，点知佢真系唔认得我，返屋企抱佢嗰阵，佢即刻爆喊！（点算？）我化身人肉升降机，抱高佢飞嚟飞去同佢玩，几日后，初恋嘅感觉终于返嚟喇！”“宠女狂”的他更无惧太太呷醋，公开示爱：“我个女系全世界最靓嘅女生，冇人可以取代到佢。”

想生多个仔？

于疫情下过年，他的“晒女”大计失预算：“囡囡第1次过年，原本谂住帮佢扮靓靓，四出见吓长辈，依家都会帮佢扮靓，但改为喺屋企影相留念啰！（情人节有咩惊喜畀太太？）仲谂紧，今年点都要做啲嘢。”Rain即搭讪：“因为想生多个仔？”令他一脸尴尬！