情人节撞赤口 林淑敏许家杰有计避“开年”

etin

剧集《爱．回家之开心速递》人气CP“大小姐”林淑敏及“送水辉”许家杰，喺剧中非常恩爱，两位趁住今日情人节及赤口，“少说话，多做事”，制作蛋糕令甜蜜日子甜上加甜，见许家杰发挥小宇宙，制作鲤鱼蛋糕，而林淑敏则制作熊啤啤蛋糕，象征情人节甜甜蜜蜜！

今年情人节撞正初三赤口，两位不约而同笑言要“少说话，多做事”，希望将闹交风险减到最低，林淑敏说：“情人节梗系喺屋企瞓番餐好，可能喺网上同朋友拜年，但其实我觉得情人节同其他日子冇分别，都系咁过咋嘛。”至于许家杰则表示要保持心境和平，最好边拜年边睇电影，减低交流机会：“睇吓屋企人使唔使拜年，可能带埋女朋友去拜年，仲要有心理准备唔好闹交，个日要好和平，EQ好高。（礼物呢？）未买呀，可能封利是啰，哈哈！嗰日最好喺屋企睇番场戏，唔使讲嘢就最好。”

讲到今年确实过得不易，故她坦言唔会减少派利是，希望人人有利是，开开心心：“新年要开工都会派利是，等大家开开心心，所以绝对唔会唱少钱。”他在旁拜年𢭃利是，但遭到对方“还击”：“唉，我来来去去咪畀封20蚊你，我今年特登去唱1张20蚊纸，只系畀你1个！”​