昨日系年三十,相信唔少人都会提早收工,赶返屋企同屋企人食团年饭!厨艺麻麻嘅艺人黄翠如,似乎今年都想挑战下煮团年饭呢个任务,以一身随意打扮,拎埋个网袋去街市买料!到达杂货铺时,见佢唔知拣乜好,令佢大为头痛:“为过年准备,想了很久也不知道应该买甚么,想了很久也不知道还未买甚么。谁也一样~”获唔少网友大赞佢贤淑,不过竟然有网友突破盲点留言:“买返去边个煮?” 咁又系呀,佢老公萧正楠真系好煮得㗎!主持饮食节目嘅佢,除咗同多位米芝莲厨师学艺之外,又搞汉堡包生意,最难得系上次隔离之前,仲要煮定饭畀老婆食,惊佢饿亲,就知屋企边个先系大厨啦,不过最后萧正楠踢爆老婆:“结果甚么也没买。”
|