牛年继续造人！黎诺懿李洁莹恩爱办年货行桃花运

etin

艺人黎诺懿过去密密亮相幕前，除凭住一双巧手担任煮食节目主持《今晚请客》外，更演出剧集《C9特工》，工作不断。趁有空档期间，日前佢同太太李洁莹办年货，亲自到元朗买桃花及兰花，喺屋企担任花王嘅诺懿，对花甚有研究，手执“花政大权”，负责买花返家屋企做布置！除细心挑选外，更喺桃花园内同太太浪漫合照外，仲围住桃花行3圈，寓意牛年事业得意。

今年疫情关系，唔少人减少聚会，但佢反行其道，话会带儿子黎峰睿到郊外走动，适当地放电：“今年新年都唔去得边，但又唔可以困住个仔，所以会带佢去郊外行下，畀佢适当地放电。（仔仔有冇话好闷？）又冇，因为有亲戚住喺隔离座，所以都有小朋友同佢玩，每日都会畀佢学唔同嘅嘢，等佢习惯吓每日有嘢做，如果唔系第时返学就会无王管。”

​他又大爆儿子近日音乐细胞爆棚，指仔仔爱听老歌不爱K-Pop：“开头以为佢好似我咁，有唱歌阻碍，但学咗钢琴之后，唱歌又好似几好，但佢唔锺意听儿歌，K-Pop都唔听。”在旁嘅黎太苦笑表示：“佢系林子祥粉丝，明明我佗佢嗰阵系听古典音乐。”

继续进行造女大计

讲到造女大计，诺懿坦言牛年会继续进行中，笑言因要花心思照顾小朋友，加上过年后想出国工作，故大计可能延期：“之前我都好想追个女凑够1对，但其实谂谂吓，都几攰，讲紧系花心思去照顾，依家1个都充实，有时返工又要提早化妆Set头，因为要陪佢食嘢同带佢上堂。今年想拍综艺节目，但未必系煮食节目，因为疫情关系，我都煮咗成年，我好想做番《懿想得到》嗰类嘅节目，但飞唔到，所以都想落实个地方，飞过去隔离14日，因为正常飞得番都系明年，但作为艺人又唔可以等得太耐，所以可能隔离14日工作。”