唔想生牛B！何雁诗同郑俊弘分房瞓

etin

歌手何雁诗（Step）与郑俊弘（Fred）即将过婚后首个农历新年，已预备派好多“双封利是”。Step透露家人很传统，每年初一都会向父母跪低斟茶，又指因疫情关系，奶奶及叔仔会留港过年。

抽湿机抽走“惰性”

他们自爆获多位堪舆学家批算今年会生B，双方家长亦有催生，但他们暂时无意生育，Step笑言：“希望唔系啦，我哋会尽一切方法去阻止。好多嘢都未做，事业上我哋都想有新尝试，可能由牛年开始要守行为，分床瞓。”Fred即和应说：“分房！（如果应验呢？）都冇计。”Step自言今年28岁，听闻35岁生第1胎也未迟，故几年后才开始造人大计。

两公婆日前为无綫拍摄新春节目，堪舆学家李丞责到2人爱巢睇风水，赠言他们家中要多放植物，特别要摆抽湿机，指他们间屋养懒人，若湿气太重会令人变懒，Step笑言：“师傅讲完，我只狗仔全程摊喺度，真系应验咗，所以嚟紧我要摆几部抽湿机先得。”

感激老公包容

新婚3个多月，Fred赞太太满分，女方笑言：“如果真系要改善，就系我冇手尾！佢成日话我间房好似打风咁。”并赞老公包容度高：“佢几忍得㗎，我比较多情绪，又多嘢讲好嘈，佢唔同我讲嘢，我都会自己讲，我好需要佢嘅注意，我觉得佢好照顾到我呢啲需要。”

另外，趁年廿八洗邋遢，Fred跟老婆带领养回来的2只爱犬洗白白，其中Davis好细胆，惊到成身震，要主人不停安抚，之后两公婆一齐帮它吹乾身，爱犬才定下来，更乖乖“一家四口”温馨合照。​