汪明荃请白雪仙食自制萝卜糕 顺道拜早年

etin

向来重视农历新年嘅艺人汪明荃，除咗每年均招呼后辈到家中拜年，仲会炮制贺年糕点送畀亲朋好友。今年佢再接再厉，孖住老公罗家英一齐整萝卜糕，由摘萝卜、到街市买腊味，以至刨萝卜丝、蒸糕等全程落手落脚包办，总共制作咗40多底萝卜糕，而且每盒包装精美，兼亲笔写上收礼人名字，相当有心思，佢拍片将整个制作过程录低，同大家分享烹饪心得。



佢率先将萝卜糕送畀粤剧名伶白雪仙（仙姐），留言：“将萝卜糕送出，第1站去到仙姐屋企，先向老人家拜个早年，祝福仙姐平安吉祥，身体健康，开开心心！”