高过1米8！刘温馨胡定欣合照长腿变晒形

etin

艺人刘温馨于无綫新剧《白色强人II》内同胡定欣斗戏，闲时佢都会晒出拍摄花絮，等大家陪住佢一齐拍咁，今次刘温馨就晒出佢同胡定欣齐齐着上白袍嘅合照，不过唔知系咪开咗广角镜头事，定系失手用错P图App，2个人忽然拉高晒，仲要连对腿都变晒形！

合照中，刘温馨同胡定欣企定定合照，佢哋仲要好合拍地着住白袍衬高踭鞋，加埋一同用手指指向反光板嘅动作，十足一对孖妹咁。

不过奇就奇在张相低抄影上去，虽然系令到2位靓女对腿显长，不过加埋个广角镜效果，佢2个离奇变咗身高1米8咁，对长腿变晒形，张相构图劲奇怪，唔知到底系边个位出事呢？