杨卓娜爆罗子溢变紧张大师 唔畀佢掂“小珍珠”？

etin

​艺人杨卓娜到新城受访，在节目中大谈人生体验、家庭、工作等，问到她怎样设计自己的人生？她笑言：“我人生冇设计，冇计划就系最好嘅计划，所有嘢都活在当下。”问到反而可会为囡囡设计人生？她坦言：“冇，佢嘅人生系属于佢，我会陪伴佢成长头嗰20年，会培育佢学唔同嘢，发掘唔同兴趣，但之后就交返番佢自己选择。”她又谓11岁的囡囡现时是青春期，但没有反叛，反而很独立、思想清晰，有自己方向。问到老公可锡晒囡囡这个“前世情人”？她笑言：“梗系有，爸爸成日话个女好可爱，不过我哋2个都锡。”

影相保持距离：好似影狗咁

问到可有与妹妹杨茜尧交流凑B心得？她谓妹妹两公婆现时不在港，又大爆妹夫罗子溢十分紧张：“依家由阿妈凑‘小珍珠’，我埋去都唔畀，已经落闸，我前日去探佢哋，罗子溢即刻喺电话同我讲‘戴番口罩，唔好同我个女玩咁埋’，搞到我好大压力，只可以影狗咁离远影BB，但我都明嘅，依家疫情关系，佢哋都系留喺屋企，我个女有同小珍珠喺屋企爬，依家啲小朋友好惨，就算1岁都好似冇见过个世界咁，小珍珠佢哋都只系喺自己屋苑范围行吓，但每日都有晒太阳。（妹妹会唔会冇咁紧张？）2个都有提我。”

挂个女挂到喊：离开咁耐

她又谓希望他们两公婆可以赶得及在新年前回港，问到他们可有挂住个女挂到喊？她表示：“唔知呀，实有嘅，始终离开咁耐，但佢哋两公婆可以揽埋一齐喊，哈哈。”

另外，讲到电台邻近封区检测的红磡，她谓不太担心：“生死有命，做好自己嘢就得，我都佛系㗎啦，希望大家身体健康，平安过新年。”