生完第二胎复工 宋熙年身材Fit爆零走样

etin

艺人宋熙年（Sarah）为有线OTT节目《讲妈 Beli Bala》担任嘉宾，讲到她生完细仔后仍甚Fit，她说：“唔系啦，生完骨架大，要修番，要做运动先得，好彩啲衫都遮到。（你有冇勤力做运动？）好忙呀，凑仔好忙，又要搞网上平台，最近又同个网上购物平台合作，要拍片、同谂摆咩产品上去，大家好似伙伴咁合作，都几充实。”

否认月入60万

有指她与老公陈智燊现时做KOL月入60万，她说：“传媒对我哋好好，写到咁多 ，我都想有咁多，唔系真啦，我记得报道第1次出街时好似系写20万，但点知愈写愈多，都开心嘅，但惊写咁多税局会嚟搵我哋，不过依家工作系Keep住充实，过去Build Up呢个平台，都多谢客户支持。”

想跟不同电视台合作

讲到现时离开无綫后，可以亮相其他电视台，她说：“其实我离开无綫之后好快就有咗，呢年少咗拍电视节目，依家啱啱生完工作可以正常番，都希望同唔同电视台合作，唔好咁长时间冇见大家。”