黑气缠身！刘佩玥拉伤脚腰 再打乞嗤出事做物理治疗

etin

前港姐季军刘佩玥（Moon）2020年年尾拍摄《把关者们》外景时，喺拍摄场地险连人带车跌落河，好在最后冇事发生！嚟到新1年，佢就惨被伤患困扰，佢喺社交网上载咗张黑白相，留言：“话说，前几日拉伤脚同条腰，我打咗个乞嗤，然后条颈痛到郁唔到，扭唔到左右，郁唔到前后，幸好我身边有好多好好的同事朋友扶我、帮我、体谅我。去做物理治疗，刮痧针灸冲击波继续样样齐，原来身体真系要锡！”而成日被人笑经常做“傻事”嘅佢，不忘笑言：“同埋脑真系要带！”而张相原来系佢背脊，真系唔讲唔知，玉背花晒布满一点点，真系阴功猪，好好休息唔好咁操劳喇！​