向陈豪挑机？马浚伟咖啡生意升4成 终极目标系…

etin

艺人马浚伟在将军澳电视城出席myTV SUPER节目《缘来自咖啡2》记招，无綫两大高层曾励珍与乐易玲更现身支持，他亲手冲调咖啡答谢恩师珍姐。新1辑节目以全女班作为嘉宾，他指最深印象是锺嘉欣分享了不少心底话，他说：“喺节目分享咗好多拍戏嘅经验，嘉欣第1套剧就系同我合作，嗰时佢系新人，有唔开心都会同我讲，我同佢讲过1句说话，话入咗娱乐圈学乜都好，千祈唔好学坏，佢咁多年都冇变，到依家仲记得呢句说话。”

创立咖啡品牌的他开设了咖啡工场，正与酒店倾谈合作，虽然没有店铺，但透露在疫情下网上生意增加了4成。讲到咖啡生意与陈豪对撼？他笑说：“唔系，咖啡嘅市场好大，阿Mo（陈豪）嘅咖啡我都有饮，仲好好饮。（有冇交流咖啡心得？）冇，我哋系唔同嘅派别，我系读书嘅，佢就由基础练起，佢嘅经验丰富过我，等疫情之后大家交流吓。（如果开第4辑搵陈豪做嘉宾？）咁咪即系叫佢嚟踢馆，哈哈，都好喎，佢份人好温和，唔会踩低人哋。”既读咖啡又读中医的他透露终极目标是在10年内在香港开设有机农场，为将来退休生活做农夫铺路。​