何超莲冇水冲凉有后续 G.E.M.点条死路大整蛊

etin

赌王千金何超莲现身在上海，前日佢就自爆天气严寒-7度，屋企因水管全结冰而冇水冲凉，搞到佢要深夜发文求救。搞完一轮，超莲索性自爆点样过呢个寒冷嘅寂寞夜，佢话佢靠大支装水解决：“我买了大瓶装的水淋了身体卸了妆　头没洗就睡了.....但水很冰没有错…我妈说在家千日好 出门一时难！没事！大不了我今晚去睡酒店，昨晚我怎么就没想到呢？”不过呢个唔算最爆，原来佢仲有同好姊妹邓紫棋（G.E.M.）求救，对方叫佢试吓用热毛巾包住水管，点知最后连毛巾都变咗冰﹗最终超莲第2日搵师傅维修，劏开水管后，发现水管内全条变冰，网友慨叹连豪宅水管都结冰，上海冷锋真系吓亲人…​