获无綫开绿灯！敖嘉年停拍剧4日为微电影开工

etin

艺人敖嘉年与郭尔君等，近日埋首为张子丰执导的微电影《有拖冇欠》开工，剧情交代“收数佬”嘉年对“债仔”尔君一见锺情。2人有亲昵场面，女方大卖关子，事后补充：“抱抱互相取暖啰。”问到嘉年是否对太太一见锺情，他腼腆答：“见到锺意嘅人，会有蚁咬嘅感觉啰。”

今次拍摄微电影，嘉年坦言获无綫“开路”：“本来拍紧剧集《欺诈剧团》，依家全组停咗4日等我拍完先再归队。”《有》片内将起用他新歌，加上打戏连场，难怪他大叫好玩，不过却几乎“乐极生悲”：“埋位时我识得帮拍档检查，佢身后嘅木板有冇钉未拔，但就唔记得咗自己，拍拍吓发现后面有啲嘢，摸到原来有钉就嚟插到我！”他又表示感恩疫情下工作未停过：“不过过年前会开始收炉小休，跟住就要操肌嘞，以配合年中新剧嘅需要。”

尔君则卖口乖，打趣自己接拍《有》片主要是因为张导靓仔：“不过嘉年都系我偶像，近日我先重温佢套《无头东宫》，但低调啲啦。”她又指台前幕后上下一心，今次经验相当愉快。而张子丰表示今次能够开戏，名副其实“过五关斩六将”：“因为我哋喺参加比赛嘅，首先要喺80几位参赛者中争入10强，咁就攞到资助开镜，完成嘅作品再去角逐嚟紧颁奖礼嘅各个奖项，包括最佳导演同男女主角等等。（有信心？）暂时冇谂咁多，做好自己先啦。”​