爆战衣劲性感 龚嘉欣热爆视后：放松晒！

etin

艺人龚嘉欣入行13年，一套《香港爱情故事》将其人气推高，加上在《杀手》中“唔锡身”演出，令她于即将举行的台庆颁奖礼锋芒毕露，外界推测是视后大热之选！谈到刻下心情，她说：“之前会紧张啲嘅，依家反而放松晒，冇咩压力。呢次提名最开心系得到观众嘅认同，大家睇住我由小妹妹开始成长进步。其实边个得奖，我都会咁开心，位位演员都付出咗好多，唔想比较。”

谈到颁奖礼当晚衣着，她大卖关子：“会令人眼前一亮嘅，不过知当晚好冻，我件衫冇地方黐到暖贴呀！（谂定谢词？）冇！净系唔想自己好似4年前攞‘最佳女配角’喊都咁肉酸，朋友话根本听唔到我讲乜！我今年31岁，感觉唔同咗，如果嗰晚我冇奖，都会私底下致电答谢一路以嚟帮过自己嘅人。”

《杀》剧中的她化身打女搞到一身伤，至今仍要做物理治疗，但“有付出就有收获”，结果换来视后提名。她坦言：“身边好多朋友闹我，做咩要咁博？都系一份工啫！佢哋根本唔明白我真心锺意演戏。睇番啲演出片段，好似冲去撞车头盖咁，我都好惊，但冇后悔，再来一次嘅话，我可以打好啲。（想再做打女？）冇问题！但可唔可以畀多啲衫我着？可以垫嘢，唔好净系得Bra Top撼石屎地。”

蓦然回首，她自觉星途“好彩”：“因为入行后不断拍剧，就系咁样累积到经验，反而系我攞咗最佳女配角后，明白大家对我嘅期望会高咗，我就惊点样再可以突破自己，不过好快就过咗呢个心理关口。”