【主动沟人】唔介意男友矮过自己 郑嘉欣话最紧要…

etin

有“港版石原聪美”之称的模特儿郑嘉欣（Christine）现年28岁，入行4年的她自小已喜欢唱歌，志愿是做歌手，但她坦言为人怕丑及欠缺自信心，幸好做模特儿的工作有助她改善问题。为了实现歌手梦，她更胆粗粗向公司自荐参加《全民造星III》：“因为系好好嘅舞台去表现自己，同埋可以畀观众认识我。”虽然最后在入40强时被淘汰，但热爱唱歌的她未有放弃歌手梦，更坦言有向公司自荐唱歌：“依家同公司倾紧，我都希望可以。”

讲到她拥有1米78高挑身形及44吋长腿，她透露小时候已高人一等：“由幼稚园开始已经系排最后，成日羡慕人哋可以排前面，喺最后成日咩都睇唔到，课室又系坐最后一排，细细个已高过好多男女同学。（几时定咗咁高？）中学都未定，好夸张，去到19岁先停，我中学打排球队，可能打打吓咁高。”但她坦言小时候曾因太高而感自卑：“点解好似同其他人唔系好同，但去到大个做model就觉得系优势，同埋我都高咗咁耐，所以都接受咗呢个高度。”问到太高可会难找男友？她就谓：“反而觉得依家男仔普遍都算偏高，可能依家营养好啲。”

提到择偶条件，身为靓女的她表示不一定要靓仔：“但锺意笑得好睇嘅人，阳光型同善良好重要，同埋有自己专长，有我仰慕佢嘅地方。”亦谓男友最好跟她差不多高，但矮过她都可以，最重要是睇感觉，其中初恋男友就是矮她半个头，又自爆原来感情方面不太怕丑，初恋男友更是她主动出击追求：“中学临近毕业，突然觉得好锺意佢，所以就成日搵佢，约佢一齐温书，然后就成功咗，哈哈，可能佢本身都对我有啲感觉，觉得双方有感觉先会成功。（如果之后遇到锺意嘅人都会主动追？）嗰啲系好细个时，依家系事业为重，冇谂其他嘢。”身为女神的她坦言现时单身，虽然一直不乏追求者，但现时不恨拍拖。​