人仔细细劲大胆！邝洁楹玩滑翔伞：一啲惊嘅感觉都冇

etin

艺人邝洁楹（Judy）于无綫节目《野外步出》内展现“惊人本色”，负责“上天”环节，她录影时笑言：“我去咗龙脊玩滑翔伞。拍之前监制话我系‘有份量’嘅嘉宾，点知畀佢呃咗，事实系因为呢一个环节系冇女嘉宾够胆玩啫。监制话见我拍《3日2夜》乜都够胆玩，就连玩Sky diving都话觉得兴奋，所以觉得我个胆好大。”她又笑说：“我仲大胆过方绍聪，今次佢叫我玩先，我话冇问题，仲要一啲惊嘅感觉都冇，带埋自备‘飞机餐’即系1串烧卖上去食，前后喺天空停留咗30分钟添。”

记者打趣指她如此胆大，即不能在男生面前装小鸟依人，她爽快回道：“所以我希望男友都大胆。其实我父母见我平日乜都够胆，都有闹‘条命系我哋畀你嘅’，但我觉得人一世物一世乜都要试。”不过Judy直言至今仍未够胆玩笨猪跳，但希望30岁前完成“创举”：“即系今年内要试，到时我一定拍片同大家分享，希望疫情快啲过，我可以出发啦。”