|
名模周汶锜与好友余健志（Jacky Yu）日前为无綫饮食节目《煮场争霸》担任嘉宾，她表示疫情之下难得“出关”录影，心情零舍开心，又自爆留家抗疫期间厨艺突飞猛进达90分︰“本身都好锺意食嘢同煮嘢食，成日食嘢都会问番个厨入面有咩材料，好学不倦。（练成金舌头？）都可以咁讲！其实只要有心机、时间就煮到好餸。”
她指比较锺意钻研中菜，因为够快、靓、正︰“西餐有好多嘢都要多啲时间去准备，虽然先生系外籍人士，但佢都好锺意食中菜，特别系食辣，所以都会煮吓啲水煮鱼、水煮牛，研究吓啲北方美食。”续冧爆话获5岁大仔高度表扬好味道︰“佢会话‘好好味！系我人生食过最好食嘅嘢！’真系好识讲嘢！而细佬好易搞掂，豉油捞白饭就得，但唔可以成日都系咁，有时我会谂计仔摆啲菜落啲饭嘅下面。”
讲到第4波疫情肆虐，身为家长的佢坦言冇得担心太多︰“会做足啲防疫措施，有灌输啲防疫知识畀佢哋，叫佢哋去完玩、食嘢前都要洗手，依家哥哥会识同细佬讲因为疫情所以唔使返学。（佢哋有扭落街？）又冇，有时都会带佢哋落楼行吓。”又指会跟一对仔仔玩角色扮演，例如于家中开小食部卖热狗，实行寓玩乐于学习。 问到可有前往探望妹妹周励淇的半岁大B仔？她指比较少，多数透过睇相、视像一睹BB靓样︰“佢太细个都冇咩点出街。（BB似妈妈定爸爸？）2个都似，肥嘟嘟好得意，我嗰2个仔都好锺意表弟，会同佢Share衫同玩具。”见到初生B都想再追多个？她闻言笑话︰“冇谂过，依家做全职妈咪都好吃力！（追个女嘛？）冇时间去谂呢样嘢啦。” ​
| 
窥视卡
雷达卡
发表于 2021-1-4 09:06:12
提升卡
置顶卡
沉默卡
喧嚣卡
变色卡
千斤顶
照妖镜