惊输畀刘丹？陈展鹏连续2年缺席台庆有原因

etin

艺人陈展鹏在将军澳电视城为剧集《黯夜守护者》试造型，新剧终于与“亚视之友”陈炜、袁文杰聚首合作，他说：“同陈炜喺无綫直情未合作过，今次同佢会有成熟啲嘅感情线。”展鹏因没有剧集出街，已连续2年未获台庆颁奖礼提名，有传他今年继续缺席颁奖礼？他说：“未收到公司通知，如果公司想我出席，我都想出席嘅，其实都两年冇出席。但系因为冇剧出，所以今年都应该唔会，等下年先出。（2年冇剧出街唔开心？）咁又冇，反而系良性，唔好话观众，如果1年有3、4套剧出街我自己都觉得攰，角色亦好难有大发挥，我之前就系咁。呢2年畀我静咗，观众可以多啲选择，公司又可以捧新人，系好事。（好多剧集存货？）拍埋呢套有4套，希望可以分开啲出。（冇剧出街传让路畀王浩信攞视帝？）梗系唔会啦，你问我反而惊刘丹多啲，浩信都攞过啦，佢啲剧都好多观众锺意，自己会支持一啲未攞过嘅演员攞。”

讲到被拍得睇中医被指补肾追仔？他说：“其实啲相系成年前影，只系带老婆去睇中医调理身体。（想追仔？）短期内唔会。（使唔使补肾生仔？）唔使，我又唔系话要生好多，顺其自然，不过如果要生都可能系呢段时间，唔系生完冇力同佢玩。”