【闻陈家乐扮傻】连诗雅仍憧憬结婚：女仔青春有限！

etin

歌手连诗雅（Shiga）转眼间入行10年，亦来到“30+2”这适婚年龄，近月与“男神”陈家乐传出绯闻，不时被撞破行街、做运动及食鱼蛋，但仍死口不认恋情。自言现阶段事业为重的她，希望可以争取更多演出机会，虽然绝口不提陈家乐，但讲到爱情观时，私底下对结婚仍有憧憬：“过咗3字头更加要争取每个演出机会，女仔嘅青春始终有限！（唔谂住结婚？）随缘啰！其实结婚就好难讲实，如果你问我，我觉得结婚系想得到我爱护嘅人嘅祝福，都想畀我最亲密嘅人知道，我想有个小小嘅婚礼。”

问到为何只希望举行小型婚礼，Shiga笑言只求有个开心、难忘回忆，可与子孙回味：“唔系一定要大排筵席，因为我觉得呢日系一世人好难忘嘅一日，想有啲片段留低畀啲子子孙孙睇。（依家呢个系你结婚对象？）唔知你讲边个。（仲有边个呀？）唔答呀！私人嘢唔答！”

当初由模特儿变成歌手，近年加入无綫捞埋做演员，Shiga获得不少拍剧机会，她坦言时间过得很快，虽然近年重心放在剧集，但扬言不会放弃唱歌：“虽然今年好似感觉系拍剧比较多，但其实我喺呢行都已经10年，要搵啲新鲜感畀观众！娱乐圈好讲求声色艺俱全，我一定唔会放弃唱歌，唱歌永远都系我第1位，亦好开心可以参与拍剧。（有冇谂过拎飞跃奖？）我又真系冇咁谂过，因为TVB有好多演员，佢哋比我更加落力，所以我喺呢方面好随缘。”

今年播出的主演剧集《那些我爱过的人》大受欢迎，Shiga有份参演的《使徒行者3》近日更成为热话，当中挑逗袁伟豪一幕，双方激吻足足2分钟！虽然曾拍摄电影《喜爱夜蒲2》有一定经验，但她坦言拍得非常尴尬，皆因与袁伟豪本身不太熟：“起初真系好尴尬，因为系我开工嘅第1日同第1场戏，就要同袁伟豪激吻！我同佢本身唔系好熟，之前只系同场玩过小型赛车，但有成40几人，其实冇乜交流，所以嗰吓真系几尴尬，仲要锡足2分钟咁多。”

疫情严峻，Shiga虽然今年只推出过1首歌，幸好影视方面获得甚多机会，除了有份演出《使》剧播出，早前更获安排拍摄人气剧集《金宵大厦2》，收获丰富。她坦言其实都想多在音乐上发展，本来已打算推出关于入行10年的歌曲，但无奈因疫情而要押后：“依家咁嘅时势，你都会谂嗰首歌啱唔啱Timing推出！其实已经有2首歌系计划咗，亦已经录好咗，只系睇吓几时推出，其中录咗1首系我非常非常非常咁满意嘅作品，但唔系剧集歌嚟，系讲自己出道10年，点知当时患鼻窦炎，将成件事推迟咗2个月，估唔到又遇上疫情。”​