终于认有喜！余香凝冧爆望老公：最好的礼物

etin

艺人余香凝（Jennifer）10月被爆出奉子成婚，惟一直未有承认怀孕，而佢之后喺11月中拉埋天窗，直到圣诞节，终于喺社交网公布佗B喜讯，留言：“谢谢上天赐给我们最好的礼物！”佢上载一张同老公陆政渡（Tim）着上圣诞情侣衫、喺圣诞树前影嘅合照，Tim从后摸住佢个肚，Jennifer就一面冧爆望住老公！佢接受访问时表示：“多谢大家嘅祝福，到依家每日都仲系觉得好奇妙，一个小生命喺我嘅肚入面，好感恩，我同老公都好开心，希望BB健健康康肥肥白白，都祝大家身体健康，圣诞节快乐啦！”

而Jennifer多位圈中好友都纷纷恭喜佢，妹妹余洁滢指：“好开心💗我做姨姨了👶🏻好期待屋企嘅新成员，好想快啲买好多好多衫裤鞋袜畀佢，同埋其实我成日都叫住佢唔食得咩，一齐做嘢又成日企喺佢隔篱惊佢攰，惊佢行路唔小心，我超级紧张，所以其实我系超期待嗰个。”Cheronna：“恭喜晒Jennifer同佢先生，希望佢哋个BB👶🏻肥肥白白身体健康💖”Yanny：“听到个消息好开心，希望佢嘅BB健健康康咁长大。”Jessica：“好戥佢哋开心呀！我和老公都要努力啲先😂祝Jennifer同BB身体健康💗”廖子妤：“好开心亦好感动！乜都唔重要，最紧要BB健康平安”​