黄智雯欠首期借100万 好姊妹赵希洛答案系？

etin

艺人黄智雯的网上频道有新搞作，向来与赵希洛情同姊妹的她今次连对方都整蛊，决定打电话问对方借100万，实行友情大考验！一开始智雯入晒戏，扮吞吞吐吐，搞到希洛十分紧张，其后终于讲出来电目的：“我想买楼，但首期仲差啲，我想问你借钱。”希洛即问：“你想借几多？”岂料智雯讲出：“我想问你借100万。”搞到希洛即刻静咗几秒，但亦一口答应：“好，你畀啲时间我研究下。”

抵死的智雯更乘胜追击：“你觉得你可以借几多畀我？”更打人情牌：“我剩系问你一个，因为你系我最好朋友，你可唔可以借到100万畀我？”讲完即偷笑，又踢爆对方多私己钱，希洛听到100万又静咗，但仍够晒姊妹谓：“未必100万咁多，但尽借，系冇问题嘅。”任务成功！智雯随即开估今次其实是大整蛊，希洛即冇好气谓：“我以后都唔爱你。”又讲笑谓要逼智雯帮她生仔补偿，智雯即笑言可以做代母，又谓会请她食饭补数，两人果然姊妹情深！​