复合有望？洪卓立帮汤怡宣传蛋糕赞好味

etin

艺人汤怡同洪卓立虽然拍拖11年后分手，但早前女方坦言大家再见亦是朋友，估唔到向来热爱整甜品嘅佢，近期更同法式饼店品牌合作推出精品糕点系列，不时喺社交网宣传。

估唔到男方即时喺社交网帮手做“生招牌”，拎住蛋糕影相卖广告，更举起手指公emoji公仔大赞蛋糕好味，随即令唔少网友哗然，指男方真系够晒朋友，而女方早前被问到会否同男方复合时，更坦言：“Never say never！”又大爆成日见面，唔少网友都期待佢哋会唔会有好消息公布。

对于网民期待洪卓立同汤怡复合，佢受访时表示：“外界谂得太多，依家忙紧录新歌。”又指汤怡对佢冇特别厚待，因为佢所整嘅蛋糕系人人有份：“公司上上下下都收到佢嘅靓蛋糕，我食完觉得好好味，希望公诸同好，同大家分享。”