熄灯营造气氛 邓佩仪邀王梓轩合唱学到嘢

etin

艺人邓佩仪（Gloria）趁机送份圣诞礼物畀大家，邀得好友兼《机场特警》拍档王梓轩，翻唱浪漫情歌《梁山伯与茱丽叶》。整个录音过程、mixing加拍MV不足2星期便完成，为了营造气氛，录音时梓轩把录音室灯光熄掉，成功在3小时内完工。于私人会所内拍摄MV，梓轩即席加插舞步，双双起舞。Gloria大赞好有火花：“我哋喺《机场特警》做情侣，多谢大家支持我哋，圣诞节我想送份特别嘅礼物畀大家，疫情下大家都要留喺屋企，所以我拣咗翻唱呢首台湾经典情歌，我幻想到佢把声应该好衬呢首歌，结果冇错，因为音时，佢录咗自己先，我听住佢把声，哗！超好听呀！”

梓轩亦谓与此曲有渊源：“原唱系曹格同卓文萱，其实10年前我本来有机会同原唱者卓文萱合作，但当时撞咗嘢做，时间上安排唔到，估唔到依家有缘可以翻唱，而今次Gloria搵我合唱，我觉得系赶，因为佢12月5号搵我，但讲紧系圣诞节要出，17号就拍MV，Gloria依家做紧宣传，但都抽时间夜晚去录音，今次帮佢录音我都有惊喜，有进步！”Gloria好开心得到梓轩指导：“喺录音室好似上咗堂唱歌班咁，原来我把声可以有另一个texture，好兴奋！录音之后嗰几日，我都不断用唔同方法唱歌，着咗火咁，哈哈。”她更想与对方合唱多几次，梓轩笑言只要她请食饭便可以，又帮对方在《万千星辉颁奖典礼》拉票：“我个角色唔使投，投晒畀阿银（Gloria的角色）。”​