边场奸戏最虐心？陈凯琳靠“奸计”上位

etin

近年无綫剧为抢收视不时都会大洒盐花，当中仲有唔少好激嘅强奸戏份添！通常强奸戏都会引起观众同情心，为被奸嘅女角抱不平，咁样观众就梗系睇得分外投入啦！

陈凯琳

前港姐冠军陈凯琳虽然不时被批演技生硬，不过就成功凭“奸计”而人气急升，其中佢喺《名门暗战》中，不幸遭到谭伟权下药迷奸，佢演绎出被奸时嗰种挣扎爆喊情绪，令观众留下印象。加上佢喺《张保仔》同《巨轮II》都有被奸戏，因而被网民封为“一代奸角”。

刘颖镟

港姐出身的刘颖镟平时都系做打女，或者乖乖女角色，最近喺《踩过界II》就嚟个大突破，演新进女星嘅佢，因误信黄子雄，被对方落药迷奸，之后仲畀阮政峰二度性侵，简直系挑战电视尺度呀！而佢演被性侵女星嘅神情亦相当到位，睇起嚟楚楚可怜，令观众都感到难过。

林颖彤

艺人林颖彤喺《城寨英雄》入面身世非常可怜，多次畀人意图捉去“开苞”，最后仲畀人轮奸至死，真系惨到爆，当中有场佢畀困喺铁笼中，准备畀人强奸嘅戏份，睇到观众咬牙切齿呀！

佘 诗曼

视后佘诗曼演技无容置疑，不过唔讲你都可能唔记得，佢原来都拍过被奸戏份，佢《赌城群英会》入面喺失明嘅男友马国明面前，被吴家乐强奸，镜头中睇到佢被压喺墙上有所动作，表情相当痛苦，而马国明就懵然不知，认真凄惨！