减20磅都冇用！袁伟豪被马国明夺走视帝：要睇开啲

etin

马国明与袁伟豪在将军澳电视城为台庆剧《使徒行者3》宣传，两人皆有份竞逐今年台庆奖颁奖礼“视帝”，马国明表示：“今年好平均，年年都唔会贴自己，今年几睇好袁伟豪、王浩信，不过唔觉得有边个系大热门，睇吓边个好运啲，每年喺TVB勤力、有实力嘅演员好多，睇吓边个好运啲。（你今年要冧庄视帝？）唔谂呢啲，畀多啲钱我好过。”他又认为得奖与否，与能够吸引更多广告没有关系，客户喜欢自然会邀请。

新婚的袁伟豪被问到可觉得会继续好运夺得视帝？他笑说：“够㗎啦，娶到老婆已经好好运。”马国明则说：“娶到老婆，仲好过攞视帝，结婚系人生大事，搵到伴侣系一世，好过攞奖。（出年娶老婆啰？）我再话畀你听。”问袁伟豪可希望夺视帝？他则说：“我最想攞嗰年都冇机会，就系畀马国明攞咗，我都明白系要睇运数，付出同个演出系唔成正比，好真心经过上年之后就放开晒。（上年攞唔到视帝好心酸？）梗系心酸啦，减咗20磅，系用生命去演出，但系个角色就唔系好受欢迎，冇办法，系要睇开啲，人生除咗工作上亦有其他嘢，好似结婚、组织家庭、生小朋，自己冲破咗关口会开心啲，唔会钻牛角尖。”​