林颖彤为拍广告2个星期冇食晚餐

etin

艺人林颖彤（Bella）早前拍摄新广告，当中有不少造型，她说：“为咗今次拍摄，我仲专登减肥，2个星期冇食晚餐，希望可以令包包面上镜瘦啲，因为上一辑广告，客人喺旺角买咗个成座大厦咁高嘅广告招牌，如果我可以瘦啲，到时张相放到几大张都唔使怕啦！”

至于多个造型中，Bella爆炸头主妇Look最受现场工作人员欢迎。她说：“发型师绝对应记一功，仲喺爆炸头上加咗几个发卷，令整个主妇Look更搞笑有趣，但其实咁多个造型，最高难度系扮OL，因为导演想拍出由早到晚嘅效果，我哋要喺黄昏前埋位，一直拍到日落天黑，一shot直落，唔可以NG，我同其他几位演员，遵照导演指令去走位，前前后后拍咗超过半小时，虽然广告出街，因为调教咗快镜，只系得几秒，但全部人依然好用心去完成呢个镜头，大家都好开心、好享受。”​