好在仲有美腿！洪欣晒独特舞技网民唔多Like

etin

成日同老公张丹峰传婚变嘅女星洪欣，早排主动网晒全家福嚟澄清，仲有网民影到全家喺餐厅坐埋开餐。同老公雨过天青，明显佢心情靓靓，近排更频频出post拍片，仲化身为“大妈”大跳广场舞！日前佢网晒一段喺街头拍嘅跳舞片，片中佢着短裤晒美腿，随住音乐节拍，喺路边又跳又转圈，转呀转，转呀转，仲转埋出路中心，不知几high！论舞姿同埋配衬嘅音乐，完全充满土味，更有网民话同广场大妈舞有得比，不过胜在有白滑长腿，叫做加番分，网民留言：“我只是一直看她的腿，又长又美！”、“吃了防腐剂吗？”、“你这么美，你自己知道吗？”、“大妈有你这么美吗？”​