吴家乐滞留英国冒险扫货过冬

etin

英国因出现变种病毒而引发封锁潮，不少艺人子女在当地读书，吴家乐日前才飞抵当地陪伴仔女过圣诞，如今惨变无归期！幸好他临危不乱，与家人做足防疫措施，昨晚更外出准备食材过冬至，一家人同心面对“疫”境！同样有家人身在英国的张兆辉与港姐冠军谢嘉怡，齐声指担心亲人安全。睇片唔敢返英考试森美忧影响儿子升学乔宝宝：啲人室外唔戴罩！

全球疫情严峻，英国近日出现变种病毒，各地如临大敌，政府随即公布收紧防疫条例，并暂停所有从英国飞来香港的航班，令不少艺人及家人大受影响！吴家乐的长女及一对孖仔现在英国读书，他日前更飞到伦敦过圣诞享天伦，突然面对英国封城，身在当地的他受访时表示与家人安好，叫大家不用太担心：“我嚟咗10日，疫情未去到咁严重嘅时候都唔会周围去，系啱啱出街买嘢做冬！我负责做咕喱，太太同囡囡整中餐，一家人食冬至饭。（市面情况点样？）可能地方大，都差唔多。上次封城乜嘢都闩晒，今次都有啲铺头开，只系餐厅唔能够堂食。”

“最紧要齐齐整整”

有份参演无綫剧《爱．回家之开心速递》的家乐，原定12月底、1月初返港，在最新防疫政策下未知何时能返港，直言已跟无綫沟通：“依家情况咁，都有同公司讲咗，OK嘅！我都唔心急返嚟，因为好多嘢都系估唔到，只好随遇而安，最紧要一家人齐齐整整，喺小朋友身边已经足够，一切事平常心。”还指新一波疫情下，已做足防疫措施，坦言早有心理准备会滞留英国：“只系冇谂过宣布得咁快！我部电话都‘炸爆咗’，好多朋友好关心我哋，我亦都唔能够一一回覆，好多谢大家嘅关心，我哋一切安好，唔使太担心！”如今他未有归期，该剧监制林建祥表示已有安排：“一切掌握之中！唔需要改期或者变阵，因为已经有跳拍佢嘅戏份，反而担心佢喺英国嘅情况，希望佢哋一家人身体健康，佢可以早日归队。”

除了吴家乐，张兆辉的一对仔女张焯铿（Edison）与张卓姿（Twiggy）亦在英国留学，他透露女儿因圣诞假期早已返港，儿子则因明年大学毕业，故今趟没有回来：“佢一早预咗喺嗰度逗留至毕业，希望到时疫情完结啦！阿女本身1月要返英国，依家睇情况再决定，佢返嚟已经隔离完，但会再作居家隔离。”

张兆辉因工作关系，现时于内地隔离中，每日都紧张地跟仔女联络，坦言当然担心儿子，千叮万嘱对方要小心：“叫咗佢同美国、俄罗斯两个一齐住嘅同学讲要小心啲，唔能够轻视疫情，喺外国有病冇人理，出去买定10日、8日嘅食物，无必要唔好出去！我每日都叫佢哋唔好轻视，有事就后悔喇！”又指今年是首次没陪伴儿子过生日，希望明年能去英国见证儿子毕业。

​

谢嘉怡一家团聚受阻

来自苏格兰的应届港姐冠军谢嘉怡，原定父母明年1月来港陪伴，如今未知何时能成行，令她急如热锅上的蚂蚁：“本身佢哋呢几个星期带埋啲狗飞过嚟，但依家冇得飞，唔知点算！好担心佢哋喺嗰边，因为疫情好犀利，每日都有好多个案，但我知佢哋OK嘅，希望佢哋快啲过嚟，好挂住佢哋。”她表示已有半年没见过妈咪：“我成日谂住妈咪、Daddy、啲狗好快到，依家就唔知几时先会到……”