【惨被耻笑】麦明诗教路！盛劲为临急抱佛脚操肌

etin

由无綫举办的《冲上云霄大选》昨日进行外景探班，麦明诗绯闻男友盛劲为（Keith）是大热人选，问到会否很大压大？他表示：“冇，当去party玩，因为比赛嗰日系Boxing Day。（身边朋友有咩反应？）佢哋不停咁笑我，见到我上电视就不停Cap图去耻笑，个个都期待26号晚睇我上电视。（麦明诗有冇笑你？）佢冇笑我，有畀意见我，话我可以keep fit啲。”他笑言要临急抱佛脚去健身，又自嘲比赛当晚冇肌可骚，所以会表演唱歌：“我觉得自己嘅歌喉OK，已经系最好嘅才艺。（平时用唱歌冧女？）唔需要冧女，同人倾吓偈，唔会冇啦啦唱歌。（麦明诗有冇听过你唱歌？）冇。”至于兼职健身教练的空少陆焕恒（Godwin）表示健身是兴趣，在社交网站有不少骚肌照片，他表示：“习惯咗运动，唔做就会啰啰挛。（比赛当日会唔会骚肌？）骚少少啦！希望大家睇到我活力阳光一面。”​