因王浩信不和？蔡思贝张曦雯合体证友情未变

etin

艺人蔡思贝与张曦雯（Kelly）昨日出席《踩过界II》宣传活动，最近有指两人因王浩信而闹不和，她们均矢口否认，见到相关报道都一头雾水，思贝称：“好朋友唔系睇表面，在心中，曾经好朋友，一世好朋友。”

Kelly附和说：“话我哋社交网站冇互动，我食饭瞓觉都冇甫相，但唔代表我冇食饭瞓觉。我哋有联络，上个月仲一齐游船河，只系啲报道选择性去讲。”她称两人初入行便认识，但直至这套剧才有合作机会，笑言一直恨齐齐拍摄旅游节目。至于思贝是否如报道所言有提醒Kelly小心王浩信“沟女王”？思贝反问：“呢啲喺边度嚟㗎？”Kelly指大家都是专业演员：“佢唔系‘沟女王’，我哋拍《解决师》已经认识，大家都差唔多年纪，所以好倾得埋，冇话唔同边个做朋友。”

另外，思贝在剧中的角色癫姐会变靓及成为律师，她解释：“因为癫姐想有个新开始，佢想整走佢同盲侠嘅回忆，棚牙同条疤痕系一个象征，之前佢想搵个唔介意佢容貌嘅人，但发生咗啲事推番佢呢个理念。”问到是否为第三辑作铺排？她坦言：“好多人睇完个结局，都话希望癫姐同盲侠可以开花结果，呢段苦恋都拖拉咗两辑，如果第三辑真系可以并肩作战都几热血。（监制会唔会开第三辑？）我唔知，我问吓佢，同佢讲我想要嘅圣诞礼物系开第三辑。”Kelly指剧集是采取开放式结局，认为剧情及角色有发展下去的空间。​