遇猛男唔熟唔摸 姚子羚爱玩张振朗排朱古力

etin

艺人姚子羚担任节目《流行经典50年》嘉宾，献唱范晓萱的《雪人》，她说：“上次已经想唱呢首歌，但主题唔啱，呢首歌系登台歌，不过唔多机会唱，因为系有少少伤感嘅圣诞歌。”现正忙于拍摄新剧《拳王》的姚子羚，之前录影厂暂停拍摄，现以拍外景为主。问将实行2人禁聚令会否对拍外景有影响？她说：“公司会有安排，有啲外景都会喺公司入面拍，嚟紧会拍两星期擂台戏，会喺厂入面拍。”

问会否睇大只仔睇到厌？她说：“唔会，佢哋好畀心机操练。张振朗之前拉高件衫晒太阳，我都有摸佢嗰排朱古力，玩佢嘅腹肌。因为我同朱敏瀚冇咁熟唔敢乱摸，大家都好大只。（黎耀祥呢？）我唔敢乱笃，因为祥嫂喺度，有一日我问准祥嫂，笃咗祥仔一吓胸肌，系有料到，嚟紧拍摄时，佢哋会再操得大只啲，我好开心，到时会再摸吓，拍摄擂台戏当日，公司都会安排影相，我会拉住啲猛男合照。”​