超过半年冇工开！李思欣疫市性感接Job冇加价

etin

艺人李思欣昨日为代言的美容集团拍摄广告，并以低胸晚装上阵，她表示在疫市下仍有工作份外开心：“其实已经延期拍摄2次，间美容公司仲畀另一间公司收购埋。（酬劳有冇唔同？）酬劳一样，唔减价已经系加价。（系咪好多工作受影响？）年头嘅主持工作有啲延期有啲取消，本来12月都有，但要延期到下年2月，已经隔咗大半年冇工开。不过唔止我，行内好多人都受影响，我唯一希望系第4波系最后一波，唔好再有，希望2021年好过今年，今年好似白过同挨紧。”

问到在搵食艰难的时刻，老公范振锋有否放寛她的性感尺度？李思欣笑言：“唔会，搵食艰难同性感系唔成正比，我呢件衫都有畀佢睇过，佢由结婚第1日开始，行礼时已经叫我拉高啲件婚纱，佢系保守派，我尊重佢，所以我平时低胸晚装都只系心形剪裁，唔会deep V。”而在广告中，李思欣会有一件头的泳装造型，她坦承平时甚少以泳装示人：“我老公揸相机就得，着出嚟面对人就冇，好少着泳衣。（今日老公会唔会嚟监场？）我冇叫佢嚟，叫佢返屋企，费事我分心。（有冇收贵啲？）冇，因为之前都倾咗想有唔同造型。”​