|
前港姐冠军陈茵媺2013年下嫁陈豪,先后生咗大仔陈梓烨、次子陈浩锋以及细女Camilla,3年抱3。昨日陈茵媺喺社交网上载1张笑得好甜,兼露出纤腰嘅相,唔少网友惊叹佢生咗3个,条腰望落好似得22吋咁幼,令唔少网友大呼好羡慕,直言佢根本唔似做咗人阿妈!其实陈茵媺今年已经39岁,虽然近年甚少拍剧,不过专心相夫教子嘅佢,不时喺社交网上载做运动,完全冇放弃自己,难怪Keep得个Body咁靓!至于今年5月生B嘅周励淇亦不敢怠慢,虽然佢由佗B到生完都好似冇生过,Fit到爆,但趁住呢排唔使开工日子,留喺屋企照顾小朋友同做运动,条纤腰同陈茵媺一样有得挥,周励淇留言:“11月最后的1天,在家健身做运动,快踏入12月份了,希望人人健康平安,大家一起加油#在家已经一段日子了#大家一起加油#日日运动身体好”​
|
|